Xornada negra nas estradas da bisbarra
Dous accidentes na Laracha e Mazaricos deixan dúas vítimas mortais
Ambulancias del 061 / Xunta de Galicia
Costa da Morte
Siguen medrando as cifras de falecidos nas estradas da comarca no que vai de ano. Esta mañá perdían a vida dous varóns en sendos accidentes sucedidos na Laracha e en Mazaricos. O primeiro dos sucesos tiña lugar ás sete e media da mañán, cando un varón de 48 anos natural de Tordoia era atropelado na parroquia de Soandres. Os servizos sanitarios tentaron reanimar á vítima pero todos os intentos foron infructuosos. As primeiras investigacións falan de que o peatón puido ter cruzado a estrada AC-523 por un lugar non autorizado. Ademais, a pouco visibilidade a primeira hora da mañán, non axudou a que o condutor puidese evitar a colisión coa vítima.
O outro tráxico suceso sucedeu en Mazaricos, na parroquia de San Cosme de Antes. Un varón octoxenario veciño desta localidade perdeu a vida ao colidir o seu vehículo cun furgón. O choque tivo lugar na curva próxima ao establecemento "Casa Pejo" e nel bateron ambos vehículos, levando a peor parte a vítima ao non levar posto o cinto de seguridade, segundo informan dende a Garda Civil.
