Os xulgados de Carballo e Corcubión continúan sobrecargados de casos
Acumulan máis de 6.800 asuntos pendentes de resolución
Corcubión móvese en cifras inferiores a Carballo pero tamén dá mostras de atasco xudicial
Costa da Morte
Os xulgados da bisbarra, situados en Corcubión e Carballo, siguen a padece unha carga extraordinaria de traballo, segundo os datos publicados polo Consello Xeral do Poder Xudicial. Son case 6.900 as causas que están pendentes de resolución en ambas sedes xudiciais.
Carballo rexistrou unha importante entrada de casos durante o 2024. Son más de 4.400 asuntos os que están pendentes de resolver nos xulgados carballeses, o que supón un 30% máis que no ano anterior. Na capital de Bergantiños entraron 1.000 novos casos máis que os que foron resoltos durante o último ano.
En Corcubión as cifras non acadan tal magnitude pero tamén falan dunha situación de atasco. Aquí os casos pendentes de resolver son 2.478, sendo uns 300 máis os que entran que os que se resolven.
