Sés: "É preciso indentificarme co que canto"

Vigo

Nadando na incerteza é unha viaxe á utopía no medio destes tempos convulsos, estranos e perigosos que nos toca vivir. Así o fai Sés no seu novo traballo, que supón un importante punto de inflexión na súa carreira. É o seu noveno disco no que Sés volve sorprender coas súas letras coidadas e traballadas e as súas melodías en acústico tan espidas como introspectivas.

Sostén sempre María Xosé Silvar que necesita identificarse co que canta. E iso é algo extraordinario nestes tempos que corren; ter esa liberdade discográfica e musical para poder facer o proxecto que lle apetecía. Unha Sés máis íntima e acústica, que experimenta con moitos sons que nos farán viaxar dende Buenos Aires aos EEUU da man dos 12 temas deste novo traballo tan honesto como afastado de artificios de produción. Sés estará este sábado no Teatro Afundación ofrecendo un concerto dentro da súa xira de presentación. Nós charlamos con ela no tempo de Hoy por Hoy Vigo